कामठी (नागपूर) : महाराष्ट्र कामगार कल्याण मंडळाच्या वतीने वृक्षलागवड, संगोपन व जनजागृती सप्ताहांतर्गत येथील कामगार कल्याण केंद्रामध्ये वृक्षारोपण करण्यात आले. या वेळी चित्रप्रदर्शनही आयोजित करण्यात आले होते.
कामठी येथील भारतीय जनता पक्षाचे अध्यक्ष कार्यक्रमाच्या अध्यक्षस्थानी विवेक मंगताणी होते. प्रमुख पाहुण्या म्हणून नगरसेविका पिंकी वैद्य उपस्थित होत्या. पाहुण्यांच्या हस्ते सरस्वती शिशुमंदिर मैदानात वृक्षारोपण करण्यात आले.
पुष्पलता कायरवार, चंद्रकांत चौबे, डॉ. मंगताणी, शर्मा, किशोर खेडकर, कामगार कल्याण अधिकारी प्रदीप चिकाटे, प्रतिभा भाकरे यांच्यासह परिसरातील नागरिकांनी मोठ्या संख्येने या कार्यक्रमाला हजेरी लावली होती. कार्यक्रमाचे सूत्रसंचालन सुधर्मा खोडे यांनी केले. केंद्रप्रमुख हेमंत जौंजाळ यांनी आभार मानले.
कार्यक्रम यशस्वी करण्याकरिता कांचन वाणी, सचिन वंजारी, प्रकाश कोहळे, अशोक अहेर, शुभदा गळघटे, सुरेश बेलसरे, संदीप विहारे, शुभांगी सावरकर, दर्शन सोमकुवर, कविता लोखंडे, मंदा वाहाणे यांनी परिश्रम घेतले.